'Nieuwe tekst voor Limburgs volkslied'

Limburgs Volkslied 2.0

Hie wo me de träöte heurt, van de hermenie.
Sjeite ze de vogel aaf bie de bèste sjötterie.
Kiekend euver berg en baek, wo gewanjeld woord
Hie is mien vaderlandj , Limburgs deierbaar oord,
Hie is mien vaderlandj, Limburgs deierbaar oord.

Wo me vastelaovend viert en lach’ mit väöl plezeier
Sjteit de vrundjsjap baovenaan, truf me zich hie altied weier.
Wo me greutsj is op zien vaan, die mit eer gedraage woord
Dit is mien vaderlandj , Limburgs deierbaar oord,
Dit is mien vaderlandj, Limburgs deierbaar oord.

Wo me nog in mooderstaal, kènjer kalle heurt.
Luuj zich óngerein versjtaon, egaal waat d’r ouch gebeurt.
Wo me zich vertroewe kan, in leifde en in woord.
Dat is mien vaderlandj , Limburgs deierbaar oord,
Dat is mien vaderlandj, Limburgs deierbaar oord

Zittesje tekst: Cyrille Niël